|
B
|
anyoak nannek nga panuhauk, nuhungk ayang atau indiuk.
Titung puloleh kabarnye anak janta nnak
nga dalam carito inih. Sapau gleng anak inih, ntohleh, tapi uho ngimbeu nyei
Bujang Panuhauk. Umur nyuh kiru-kiru tujuh
taau leh. Sangat nye nyei panuhungk ayang. Pagi-pagi lah diintai nyuh
ayang nak ging ka sawoh atau kahengk. Kada-kadeng dikicah uhuh manno, dikato di
indiuk ayang agi kayek duliu. Kaluk ayang ibei awoah, sannya-sannyangk diula
leh di indiuk bareng ayang, karimpo, jak ka singangk. Kaluk takicah nining, he
bahiya-hiyeng nyei nangaih, dihimbengk nyuh umoh nga batiu samu nyabbungk namu
ayang wa indiuk. Titung nannik duliu mangngaih. Mining agi nannek ngimbengk
umoh, samu nyabbungk namu ayang wa indiuk?.
Nga sahai itiuh uho nak kahengk
gutong-ruyong ngambik pamung. Uho nak manno bilek, bilik padi. Uho nak nabbou
ahengk, nabba batang kayau. Karno itiuh uho ndoak nye moo anak tadih kahengk,
takung ditingkah kayau. Tapi yei, lah puwah uho minaik, nyei ndoak nye tinggoa.
Mako dibeeileh Ujang tadih. Ibei ahengk ditok uhuh nyei umoah, umah nnak.
Mmangk nye kaau kawa-kawoh! kato ayang nyuh Uho nabbou, kaluk ditingkang nyuh
mpa dakdu ampun agih. Matai! Jadi ugiuleh nyuh umoah tadih nyei uhang. Kada-kadeng
ugui nyuh we tanto nglli uho banyoak tadih gawe.
Nga pagi lah sarasso uho nabbou,
tapi adei kayu nga gaddoa nga lla beres. Udoah mako, uho ging pulo nabboa.
Katiku kayu gaddoa itiuh boah, knu tingkoh leh ayang nyuh. Tok palauk dan
matai. Panikleh uho. Bagasungk uho nguraih, palauk dikbengk uhuh dinga uto,
ditamok aleng kii saha, langsung digotong samo-samo balek usiu. Karno karupang,
mako tinggouleh Ujang tadih ahengk. Uho lah ibei usiu, lah malo ahai dakdei
ugei uho tino anak nnak tadih tatinggou. Maklumleh uho panik.
Adeipun Ujang nga tinggoa ahengk
tadih, lah uwah baimboa, dakdei uho nga nyawengk. Ahai lah malo, nak nangaihpun takung. Pioleh
uho ninggoa akau! kato nyei ala atoi. Uho nak munuh akau! Disaangkleh pintau
dan tideu. Mano mbeuh nyuh takallangk, asau imo lah tibei bee nak makang awok.
Hek aleh, mmangk nye panuhuk, kato nyei ulo ala atoi.
Dalam padu itiuh, kiru-kiru uku
duu balleh malo, ibeileh uho ngattuk pitau. Ujang! Bukoak pintau, bukoak
pintau! Knok bajiu lakkah, mmoh kito balek usiu! Takanjengk Ujang,
ditasangkleh: sapau awoah itiuh? Pio ibei tangngah malo? Akau Jang, ayang kaah.
Lakkah bukoak pintau, kito balek mining l;eh! Idik parlu akau kumoah! Dek ayang
nga ngimbeu, patuhleh anak tadih. Knok bajung, langsung kuwoi dan truhleh balek.
Bajaloa ala gallengkleh tadih. Suleu dakdei tapi ahai tra-tra sabeuk. Nyei
mamukei ayang balakou. Idik jeeuh bajaloa tadih, lah manyanyi uho nga karako:
Caddek, caddek, baramu bilek caddek
Lah matai caddek
dihimpik kayau caddek
Palauk baapaik nga uto caddek
Caddek, caddek,
baramu bilek caddek
Lah matai caddek
dihimpik kayau caddek
Palauk baapaik
nga uto caddek [1]
Pio awok ribungk ayoh! Kato Ujang. Tngah malo inih
ayoh, akau takung. Hah, dak apo Ujang! kato uho nga karako. Langngo agih kito
inih, ilak ugei adei paraming. Manyanyi pulo tadih:
Caddek, caddek,
baramu bilek caddek
Lah matai caddek
dihimpik kayau caddek
Palauk baapaik nga uto caddek
Caddek, caddek,
baramu bilek caddek
Lah matai caddek
dihimpik kayau caddek
Palauk baapaik
nga uto caddek
Ilee, apo awok kato itiuh ayoh! Sapau nga matai
diimpik kayau! Baapaik nga uto palauk! kato Ujang batanyo. Dakdei, itiuh kan
nyanyi, kato nga karako. Yei lloh ituh ribungk. Ala imbu gaddou inih ayoh! Kato
Ujang. Akau takuuung nye nangnga laggu awok itiuh!. Yei ntak leh akuh ribungk,
kato uho nga karako. Tapi idik lamo udah itiuh lah manyanyi pulo nyuh:
Caddek, caddek,
baramu bilek caddek
Lah matai caddek
dihimpik kayau caddek
Palauk baapaik nga uto caddek
Caddek, caddek,
baramu bilek caddek
Lah matai caddek
dihimpik kayau caddek
Palauk baapaik
nga uto caddek
Ditaggiu pulo di Ujang ayang nyuh tadih. Ditaggeu ntai
tapi idik lamo sudah itiuh manyanyi ulo
nyuh. Lah kamboa bulu kuduk Ujang nangnga laggu ayang tadih ngato uho matai
diimpik kayau. Palauk baapaik ulo nga uto. Ditasangk apo jawengk nyuh: ee kan
lagu.
Akhirnye lah satu satangngah joa bajaloa, ibeileh
usiu. Pio adei lampu, tro nye umoah, ayoh? kato Ujang. Uho kan barami umoah,
kato uho nga karakang nyei. Alau kaau duliu kumoah, akau agi nak kayek masuh
kakai! Yei duliu lleh Ujang kumoah dan ibei umoah takanjengk uho, labba-labbeh
indiuk. Heh iyei! Anok akuh tinggou ahengk, lah karupang! Sapau kantai kaau
balek, Nok? Ayoh kantai akuh! kato Ujang. Hee ayang kaah lah matai anok!
Ditingkang kayau! Kloi nahoh yeng!. Nangaihleh Ujang tadih. Jadi dinga sapau
akau balek tadih? kato Ujang ala atoi. Antau! Antu ayoh! Hii batambah tanggoak
bulu kudiuk nyuh. Hii cangk! Unta lah tibei umoah! Yei inggu itau leh, abihleh sakunung ……
Uluk Ngoh, 17 Juli 2004
***
0 komentar:
Posting Komentar