|
K
|
anca adeileh binatoa nga paling caddek ati duniye
inih.. Aji iko nangngang dak? Macca-macco binatang laai dikicah nyuh manno:
imo, baeuk, bayei dan laa-laai. Caritu nyei ngicah bayei nining inih.
Masu duliu ugei caritau, kanca ngango nak ging ka
sabrang ayak. Disabroa itiuh banyoak nye uho mukoak ladang bariu. Adei uho
nanang jageu, kaca guri, kaca panjoa, timau, macca-macco leh. Manangleh carau
akau nyabrou inih? Kato kanca ala atoi. Kaluk akau buheu bisa ugeileh akau
tarboa, tapi akau dakdei kappangk. Apo ako,
hah?. Bata ayak dakdei nga sintok, daloa galeu.
Sambi, bajaloa truh ugei bapika. Dakdei nyei taau lah ibei tpi ayak,
tpi lubeuk. Ile banyak bayei ala lubeuk inih!, kato kanca ala atoi. Haa inih
bisa akauh nyabroa. Kasampatan! Mako diimbeu nyuhleh bayei tadih:
Kanca : Bayei! Akau
kiningk inih nak mageh iko makang
akau! Akau
lah puwah idungk
ati duniye dan
ngango nye nak
matai!
Sablum akau marumpangk
kala ayak, cubei kumpah iko gala-
galeu, mah aku ngato!
Bayei : Marumpangk beeleh. Pio kamai kumpah ulo?
Kanca : Iko kan banyoak uhang! Supayo
rato iko dapengk, ntu harus
dibagui samu banyingk!
Kaluk iko uho sapulah bagi
sapulah,
kaluk limu balleh
bagi limu balleh.
Jangan iko barabbungk,
babaloah pulo. Kaluk iko babaloah, biye dik jadi akuh
nyarroh
dihi ngusi iko.
Bayei : Kaluk
titung yei pulo. Kumpah! Kumpaaah. Kumpah cpangk!
Kito dapeng rizki!,
kato nga gaddoa.
Kanca
: Cubei
babarih iko jak
tpi lalilui inih sampo tpi uduik. Palok
ahengk, ikak
lalaangk.
Bayei : (Babarih leh sasuai parintah kanca).
Kanca
: Dakdei
nga tinggoa agih? Ila-ilak
yeh! Akau nak ngtong iko!
Mulai ! (Sasudah marumpangk) mulai
ngitong, satau, duwei,
tigei,……………. sapulah,
saballeh, duwu balleh
dan
(marumpangk ka
sabarroa)
Tibeileh kanca di
sabrou, ngadengk nyuh pulo ngusi bayei ala lubeuk tadih. Apo
kato nyei: Hee bangei nye iko nih! Uhang gadda-gaddoa, tapi ubei galeu. Hee,
heh bayei, abih sakunung ….
Uluk Ngoh, 13 Juli 2004
***
0 komentar:
Posting Komentar